NUKU’ALOFA. KO E tautea na’e ‘oange ‘e Fakamaau Polisi Lātū Mohenoa ki he faiako ko Loluhama Mahe ‘o Houma ki he’ene taa’i ‘a e ki’i ta’ahine ako, ko ‘ene totongi huhu’i ‘a e pa’anga ‘e $50 ki he leka ke ‘alu ‘o kumi ‘aki ha’ane fo’i lole.

Na’e tali halaia ‘a Loluhama Mahe ‘i he Fakamaau’anga Polisi ‘i Nukunuku ‘i he Tu’apulelulu uike kuo ‘osi ki he’ene taa’i ‘a e ki’i ta’ahine ako ta’u 11 ‘i he Lautohi Pule’anga ‘a Houma.

NUKU’ALOFA. KO E lea ko ia na’e fakahoko ‘e he Fakamaau Polisi ‘oku fakavalevale, ‘a ‘ene pehēe ‘oku totonu pe ‘a e ‘uhinga na’e taa’i ai ‘e he husepaniti hono hoa. ‘Oku ne hanga ‘e ia ‘o faka’ai’ai ‘a e kakai tangata ke pehē ‘oku ‘i ai pē ‘a e ‘uhinga ‘e totonu ai ke nau taa’i honau uaifi, ‘o hangē ia ‘oku ‘i ai ha fo’i matā mama ‘i he lao ke pehēe ‘oku totonu ‘a hono tā ‘o e kakai fefine.

NA’E folau atu ki Tonga ‘a Siliva Payne pea mo e pule ‘o e Crusaders Academy, Dave McLennan pea pehē kia Simon Porter mei he Essentially Sports Management ke nau vakai tonu ki he taleniti ‘o e kau va’inga ‘akapulu fakalotofonua ‘a Tonga.

Ko e Essentially Sports Management ko kinautolu ‘oku nau tokanga’i e  meimei peseti ‘e 80% ‘o e kau va’inga Super 14 mo e kau All Blacks ‘o kau ai ‘a Richie McCaw mo Dan Carter. Ko Siliva foki ‘oku fengaue’aki vaofi ‘aupito ia pea mo e kau faiako e All Blacks kae tautefito kia Wayne Smith pea ‘oku ne kau foki hono fakasio e ngaahi taleniti Tonga ‘oku ‘asi hake¥ ke siofi ‘e he ngaahi timi lalahi pea pehē ki he All Blacks.
 

Konga II

Fakatulou heni ki he kau faifatongia he va’a fo’ou ni ka ko eni ha ki’i veuveuki ke ma’u ai ha lelei.

Na’a ku ofo ‘i he pavaki mai kuo ‘ohake ‘a e me’a faka’imikuleisoni ke hoko ia ko e fuofua kaveinga mahu’inga ne taukave’i ‘e he va’a ni ke ‘ave ki he Minista ‘i Uelingatoni ke fai ha ngaue ki ai. Na’a ku ofo he neongo ko e ‘isiu ‘eni kuo fuoloa mai ‘etau fekuki moia talu ‘etau tu’uta heni pea te tau fetakai mo ia ‘o a’u ki he pā ‘a ngangalu, na’e ‘ikai ke mahino mai pe ko e hā ha me’a fo’ou mo fu’u mafatukituki fau ke makatu’unga ai ‘a hono fakahoha’asi ‘a e kau taki he ta’u fili Fale Alea ni.